Uppfærslur og sérsmíði

PC og Apple tölvur

Uppfærslur og sérsmíði

Uppfærslur auka hraðann.

Uppfærslur auka hraða tölvunnar þinnar og gera hana betur í stakk búna til að keyra nýjasta hugbúnaðinn og tölvuleikina. Það er alls ekki víst að það sé nauðsynlegt að skipta tölvunni út ef hún er orðin þriggja ára og sein og hæg í vinnslu. Uppfærsla í SSD harðdisk og meira vinnsluminni getur gefið henni nýtt líf og lengt líftíma hennar um einhver ár.

Uppfærsla eykur hraðann

Uppfærsla er hagkvæm lausn

Sérsmíði er góður kostur

Við uppfærum Apple og PC tölvur

Við sérsmíðum PC tölvur

Uppfærsla er hagkvæm lausn.

Áður en þú „hendir“ tölvunni þinni og kaupir nýja þá ættir þú að kanna hvort það sé hægt að uppfæra hana og hvort að það borgi sig.
Þegar gamla tölvan verður sein og hæg í vinnslu er það oftast vegna þess að hún er að keyra nýjan hugbúnað sem er þyngri í keyrslu en sá sem var upphaflega á henni. Með því að uppfæra vélbúnaðinn á móti er hægt að auka hraða tölvunnar og gera hana betur í stakk búna til að keyra þennan nýja hugbúnað.

Örgjörvinn skiptir máli.

Ef tölvan þín er búin öflugum örgjörva eins og Intel Core i5 eða Intel Core i7 þá er mjög líklegt að það borgi sig að uppfæra hana. Með því að skipta gamla harðdisknum út fyrir nýtt SSD drif og auka vinnsluminnið í leiðinni verður tölvan þín allt að 40% hraðari í allri vinnslu. Það er þess vegna oft engin ástæða að henda tölvunni og kaupa nýja. Slíkt er stundum ekkert annað en sóun á verðmætum.

Ekki alltaf hægt að uppfæra.

Það er reyndar ekki alltaf hægt að uppfæra harðdiska og vinnsluminni í fartölvum en það er hægt í flest öllum borðtölvum. Í dag eru margar fartölvur framleiddar þannig að vinnsluminnið er innbyggt í móðurborð tölvunnar og stundum harðdiskurinn líka. Þetta á sérstaklega við um nýrri gerðir af Apple fartölvum en sá framleiðandi virðist frekar vilja að við kaupum nýja tölvu en að uppfæra eða laga þá gömlu. Sumir PC framleiðendur eru á sömu línu og Apple en þeir eru samt ekki margir.

Sérsmíðaðar borðtölvur.

Sérsmíði á borðtölvum er oftast mun betri kostur en að kaupa tilbúna tölvu. Með sérsmíði getur þú valið þann vélbúnað sem þú vilt fá í tölvuna og ráðið stærð hennar. Hægt er að velja um allt frá lítilli og öflugri smátölvu sem hægt er að festa aftan á tölvuskjáinn upp í risastóra turntölvu og allt þar á milli. Við sérsmíðum heimilistölvur, fyrirtækjatölvur og leikjatölvur og veitum ráðleggingar um val á vélbúnaði.

Uppfærslur og sérsmíði

Sendu okkur fyrirspurn

Tölvuverkstæði

Skeljagrandi 1
107, Reykjavík

Opið

M-F: 13.00 – 17.00
L-S: Lokað

Sími

899-3417