Sunnudagur, 02 nóvember 2014 13:45

Er þín tölva varin?

Það er óhætt að segja sem svo að fátt sé leiðinlegra fyrir tölvunotandann en að fá vírus á tölvuna sína. Staðreyndin er hins vegar sú að það er ekki aðeins leiðinlegt heldur getur það hreinlega verið hættulegt að fá vírus á tölvuna sína.Vírusar eru oftast hættulegir þ.e. þeir skemma tölvuna okkar, stela upplýsingum af henni, nota hana í eigin þágu eða taka hana hreinlega í gíslingu. 

 

Njósnaforrit "spyware" og PUP  „Potentionally Unvanted Program“ forrit eru kannski ekki eins hættuleg en þau hafa samt slæm áhrif á virkni tölvunnar okkar um leið og þau njósna um okkur.  Við tölum alltaf um þessa hluti alla saman sem "vírusa" þó að þeir séu það ekki tæknilega séð.

Vírusar komast inn á tölvuna okkar í gegnum niðurhal, tölvupóst, af utanáliggjandi diskum eða minnislyklum og af heimasíðum sem við heimsækjum.


Við fáum stundum tölvupóst sem segir að nú þurfi að uppfæra þetta eða hitt eða að það sé komin sending til okkar með UPS svo fátt eitt sé talið. Þessum póstum fylgir oft forrit í viðhengi eða netslóð til að smella á.· Ef við hinir grunlausu tölvunotendur látum glepjast og opnum viðhengin eða smellum á netslóðina opnum við leiðina fyrir vírusinn inn a tölvuna okkar.


Falskt öryggi (roque security) er illskeyttur vírus sem setur sig upp í notendaprófíl tölvunnar. Hann byrjar síðan að keyra falska vírusskönnun og birta okkur skilaboð um að tölvan okkar sé vírussýkt. Ef við fylgjum ráðleggingum vírussins um að kaupa í gegnum hann vírusvörn lendum við inni á fagmannlega útlítandi vefsíðu þar sem við getum borgað fyrir að losna við vírusinn. Gerum við það hverfur hann í kannski einn dag en birtist okkur síðan aftur með sömu skilaboð.


Bot vírusar eru forrit sem nota tölvuna okkar til að senda ruslpóst víða um heiminn. Þeir stela líka öllum netföngum í netfangaskránni okkar og koma þeim í dreifingu. Þannig getur einn notandi sem passar vel upp á að vera með vírusvarnir í lagi og fær aldrei vírus í tölvuna sína lent í því að fá einn daginn ruslpósta í tugatali vegna þess að einhver á póstlistanum hans er með vírussýkta tölvu sem hefur komið hans netfangi ásamt öðrum í dreifingu.


Kóðar geta legið inni á vefsíðum þar sem þeir bíða eftir því að þú heimsækir síðuna svo að þeir geti smitað tölvuna þína. Þegar þú heimsækir vefsíður sækir netvafrinn þinn fullt af upplýsingum á síðuna og geymir þær á harðdisknum þínum.· Þetta eru t.d. myndir og fleira. Þetta gerir netvafrinn til þess að auka þinn hraða á netinu. Internet security eða Total Security forrit verja þig fyrir sýktum vefsíðum.

Vírusar sem læsa tölvunni þinni eða „taka hana í gíslingu“ hafa verið að ryðja sér til rúms að undanförnu og það er ekki rétt að álíta sem svo að þeir aðilar sem dreifa slíkum forritum séu aðeins á eftir stórum fyrirtækjum.  Staðreyndin er nefnilega sú að þeir sækja í auknum mæli á lítil og meðalstór fyrirtæki og einstaklinga þar sem öryggisatriði eru ekki í jafn góðu lagi og hjá stórum fyrirtækjum.


Til þess að koma í veg fyrir það að fá vírusa á tölvuna sína þurfa notendur að hafa nokkra hluti á hreinu.


Fyrst og fremst þurfa allar tölvur að vera búnar öflugri vírusvörn. Vírusvarnir eru misjafnar eins og þær eru margar og sumar þeirra veita litla vörn og eru þungar í keyrslu. Að nota ókeypis vírusvörn er ekki ósvipað því og að skilja útidyrnar eftir opnar. (Það er EKKERT ókeypis í þessum heimi!) Öflug vírusvörn kostar lítið í samanburði við þann kostnað sem hlýst af því að láta hreinsa vírusa út af tölvunni sinni og hún veitir allt að 95% vörn gegn vírusum.

Lykilorð á netbeinum (router), tölvupósti og öðrum aðgöngum þurf að vera að lágmarki 8 stafa löng og innihalda hástafi, lágstafi og tákn.  Ekki nota „password“ sem lykilorð á routerinn.  Það er ekki sniðugt.


Við þurfum líka að vera meðvituð um þá staðreynd að það er enginn þarna úti að gefa okkur eitt eða neitt. Við vinnum ekki í lottói nema kaupa miða og við fáum ekki sendingu með UPS ef við pöntuðum ekki neitt. Facebook sendir okkur ekki tölvupóst með leiðbeiningum um hvernig á að uppfæra eitthvað og það gerir Microsoft ekki heldur.  Komi tölvupóstur frá þessum aðilum eða einhverjum sem við vitum ekki hver, með leiðbeiningum um að sækja eitthvað sem smella á eitthvað, þá á eigum við að smella á „delete“ takkann á lyklaborðinu og eyða honum strax án þess að opna hann.


Við vitum hvaða vírusvarnir virka og bjóðum þær á góðu verði með uppsetningu innifaldri.

EINFALDAR OG ÖFLUGAR
HEIMASÍÐUR Á GÓÐU VERÐI

SKOÐA NÁNAR

ER ÞÍN TÖLVA
VARIN

Öflug vírusvörn er nauðsynleg á allar PC tölvur. Ókeypis vírusvarnir veita lélega og falska vörn.

LENTI TÖLVAN
Í TJÓNI

Við skoðum og metum ástand á tækjum sem hafa orðið fyrir tjóni af völdum falls, vökva eða annars.

KORTAVESKI
FYRIR SÍMANN

Í netversluninni okkar, aukahlutir.is, er boðið upp á úrval af símaaukahlutum á frábæru verði fyrir þig.

×

TOP